Britaniana teritorio che Indial Oceano
![](http://upload.wikimedia.org/wikipedia/commons/thumb/9/96/British_Indian_Ocean_Territory_in_United_Kingdom.svg/280px-British_Indian_Ocean_Territory_in_United_Kingdom.svg.png)
![](http://upload.wikimedia.org/wikipedia/commons/thumb/6/60/Chagos_large.png/280px-Chagos_large.png)
La Britaniana teritorio che Indiana Oceano esas transmara teritorio apartenanta ad Unionita Rejio, jacanta an la duimo de la disto inter Tanzania ed Indonezia, e distanta 500 km sude de Maldivi. La teritorio konsistas ek sep atoli kun plu kam 1 000 insuleti e tota surfaco di 60 km².
La maxim granda e maxim sudala insulo esas Diego Garcia, kun 44 km², qua esas sideyo di militara bazo uzata da Usa ed Unionita Rejio. Pos ke Britaniani konquestis India, la teritorio enkorpigesis a ca kolonio. L'atoli Chagos, Aldabra, Farquhar e Desroches duris sub Britaniana suvereneso pos la nedependi di Pakistan, India, Ceylon e Maldivi. Ye la 23ma di junio 1976, Aldabra, Farquhar e Desroches donesis a Seycheli kande ca lando nedependanteskis. Pro to, nun la teritorio nur konsistas ek l'arkipelago Chagos ed altra insuleti, la maxim multa ek li sen habitanti.
![](http://upload.wikimedia.org/wikipedia/commons/thumb/8/84/Seabirds_nesting_on_South_Brother_island_in_the_Chagos_Archipelago.jpg/280px-Seabirds_nesting_on_South_Brother_island_in_the_Chagos_Archipelago.jpg)